Jekhutni pansionesko tipi sitoj ando anglune štar katja ano objekti Kher „Dudova šuma”, kote reselape bešipe psihikane thaj fizikane persone, save šaj korkore jase ano daj kotor te xan habe , te adikharen personalno higijena thaj higijena thaneski ano savo bešena.Jekhutni sila dujpatonenge, jekhpatonenge thaj uče standardeske livne ( tehnikake vastušeja).Sakoja livni sila ulavdo banjo thaj terasa e nilajeska garnitura vaš bešipe.Objekti sito adaptirimo vaš manglipe konzumentjengo. Ano sakova kati si čajeski kužina, divutno klimatuizimo bešipe, a si ini šaipe vaš telefoneski linija ando objekti thaj avrijalipasta Konzumentja silen biblioteka ani savi si aver aver literatura pedi srbikani,krotjengi,hungarjengi thaj germanijaki čhib, sar ini divutni thaj kurkesi štampa. Šaj te labarinolpe kafe bar e nilajeska luludjibaska niva savi si ano telunipe objektesko. Džando thaj kvalifikuimo personali dela servisi sastipasko uluvipe, bajo thaj ažutipe ano sakodivutne aktivipe. Servisi doktoresko sasutno praksako delape ano rami ambulantako ando Kher sastipasko savo sito ano telunipe objektesko. Ando rami Kheresko si ini saloni vaš manikiri thaj pedikiri sar ini frizeresko saloni savo šaj te labarinen konzumentja ano kherutno bešipe. Timi džande bučarne (psihologi, dip.soc.bučarno,andragogi. po uči med.phen,po učo fizioterapeuti thaj bučarno okupaciako terapeuti) kontinuirimo dikhlkarena manglipe thaj sasutno čalardipe konzumentjengo thaj programi servisesko adaptirinelape e dikhlarde paruvinenca.
